బిగ్‌బాస్ ద్వారా గుర్తింపు తెచ్చుకున్న దివ్వెల మాధురి తెలంగాణ రాజకీయాల్లోకి అడుగుపెట్టేందుకు ఆసక్తి చూపుతున్నట్లు వార్తలు చక్కర్లు కొడుతున్నాయి. ప్రజా సమస్యలపై మరింత చురుకుగా పనిచేయాలనే ఉద్దేశంతో రాజకీయాల్లోకి రావాలని ఆమె ఆలోచిస్తున్నట్లు సమాచారం.
ఇప్పటికే సోషల్ మీడియా వేదికగా పలు సామాజిక అంశాలపై స్పందిస్తూ వస్తున్న మాధురి, ప్రజా సేవకు రాజకీయాలు మంచి వేదికగా భావిస్తున్నట్లు తెలుస్తోంది. దీంతో ఆమె రాజకీయ ప్రవేశంపై చర్చ జోరందుకుంది.
అయితే ఏ పార్టీ తరఫున రాజకీయాల్లోకి వస్తారు? లేక స్వతంత్రంగా ప్రజా జీవితంలో కొనసాగుతారా? అనే అంశాలపై ఇంకా స్పష్టత రాలేదు. త్వరలోనే దీనిపై అధికారిక ప్రకటన వచ్చే అవకాశం ఉందని ప్రచారం జరుగుతోంది.