దక్షిణ భారతంలోని ప్రముఖ ఆధ్యాత్మిక క్షేత్రాలను సందర్శించాలనుకునే భక్తుల కోసం ఐఆర్‌సీటీసీ ప్రత్యేక టూర్ ప్యాకేజీని అందుబాటులోకి తీసుకొచ్చింది. ‘దివ్య దక్షిణ యాత్ర’ పేరుతో నిర్వహిస్తున్న ఈ పర్యటనలో ఒకే టికెట్‌తో ఏడు ప్రముఖ పుణ్యక్షేత్రాలను దర్శించే అవకాశం కల్పిస్తోంది.
ఈ యాత్రలో అరుణాచలం, రామేశ్వరం, మధురై, కన్యాకుమారి తదితర ప్రసిద్ధ ఆధ్యాత్మిక ప్రాంతాలను సందర్శించేలా ప్రణాళిక రూపొందించారు. ప్రయాణంతో పాటు వసతి, స్థానిక రవాణా, భోజన సదుపాయాలు కూడా ప్యాకేజీలో భాగంగా ఉంటాయి.
ప్రత్యేకంగా యాత్రికులకు లంచ్, డిన్నర్ సౌకర్యాలతో పాటు ట్రావెల్ ఇన్సూరెన్స్ కూడా అందించనున్నారు. కుటుంబ సభ్యులు, వృద్ధులు సౌకర్యవంతంగా యాత్ర పూర్తి చేసుకునేలా ఏర్పాట్లు చేసినట్లు ఐఆర్‌సీటీసీ తెలిపింది.
ఆధ్యాత్మిక యాత్రను సౌకర్యవంతంగా, తక్కువ ఇబ్బందులతో పూర్తి చేయాలనుకునే భక్తులకు ఈ ప్యాకేజీ మంచి అవకాశంగా భావిస్తున్నారు.